Du hesch gnueg vom ständige Tippe? Du hesch kei Bock meh uf Nackeschmerze, well d’nu uf din Bildschirm glotzisch? Und es schisst di ah, dass de sexy Nochber scho wieder unbemerkt a dir verbigloffe isch, well i dis Handy gstarrt hesch? Vergiss SMS und alles andere wo z’vil Zit brucht. Mit ,Hoi’ chasch so eifach kommuniziere wie no nie.

Hesch de Oma ihren Geburtstag vergesse? Schick ihre es ‚Hoi’.

Du hesch scho wieder verschlofe? Schick dim Chef es ‚Hoi’.

Du hesch kei Ahnig, was dinere Schnitte noch em erste Date söllsch schribe? Schick ihre es ‚Hoi’.

‚Hoi’ macht dis Läbe eifacher. Suech jetzt Fründe und schick ihne es ‚Hoi’.

Willkommen Sie in der Zukunft der Kommunikation. Willkommen Sie bei Nanosocial.

HOI isch jetzt au uf Android Wear verfüegbar, wil, wer wet scho nöd vonere Uhr us HOIe?